大庆美食（顺德篇）
海尾公园左手边高架桥旁
首先講講呢間嘢係有啲遠，因為喺容桂，裝修都係普通食店裝修多謝佢哋嘅，服務都係正常。由大良打車去差唔多要25-30分鐘。
我叫咗一個瀨尿蝦生例牌，一個大頭蝦生例牌，美極蝦頭係叫大頭蝦生送嘅，仲有一個煎鯪魚皮
攋尿蝦生，我係因為呢個菜而去呢間店嘅
新唔新鮮睇相就知啦，不過食落去嘅質感就好得意係軟糯嘅而且好鮮口，有豉油供應不過無日式芥辣供應，下次去都係要自備新鮮即磨山葵。
大頭蝦生，非常之新鮮同爽口彈牙，不過大頭蝦天生係淡口嘅。不過食得大頭蝦都係食佢嘅口感，加啲豉油就可以提鮮
煎釀魚皮，呢個菜真驚艶到我，首先講下個蜆芥，鹹香鹹香好正，鯪魚皮煎到金黃色，非常之香口，鯪魚皮背面係好薄嘅鯪魚肉，鯪魚肉條尾啱啱好，唔會鹹唔會淡，鯪魚肉都煎到的金黃色，呢個菜真係非常非常非常好食，重要嘅事情講三次啊。
總結，呢間鋪雖然係遠啲，但係我咁大個仔都未食過瀨尿蝦生，而且呢間店其他嘅菜品都好平幾十蚊一個菜，掃碼點餐時我見到個。好吸引嘅菜酥炸瀨尿蝦仁都係48人仔一例啱曬啲懶人唔使搣蝦殼，不過我知道食唔晒所以冇叫，下次去要補翻，今餐全部加埋都係253人仔埋單，性價比真係超級高啊。呢餐我都好滿意值得推薦去食嘅。
PS:建議下午5點去食，6點半食完飯，打車都比較容易，如果唔係晏咗就打車都有困難。
