順年燒鵝(順年居)
苏岗社区苏岗新村四巷10号
呢間店有兩層，我大約下午5點11分入去坐低，即刻叫咗半隻燒鵝留髀，侍應姐姐當時有回應我留髀好的，所有侍應姐姐應該係一家人負責呢間店嘅。佢哋都係用粵語溝通嘅。不過雖然我唔係要求有個好好嘅而且高級嘅地方去進食。因為我對環境冇乜要求。但係如果喺客人背後。不停咁大聲傾偈。就好似唔太理想，而且佢哋有個小朋友喺個店內周圍走不停好大聲咁叫，如果呢啲小朋友係其他客人嘅。咁我都無話可說啦。
言歸正傳講返啲嘢食先。
燒鵝係真正嘅黑棕鵝，隻鵝係偏瘦嘅。
食得出係用瓦缺及炭火燒出嚟，比其他燒鵝店嘅係與眾不同。
皮脆係最基本嘅，但係信順年可以做到有酥脆嘅口感，不過無爆汁
燒鵝汁係輕微甜口。
酸梅醬味道比較特別有啲清新。我個人比較喜歡。
不過最大問題。係我由下單開始等咗差唔多15分鐘先有得食，最慘係我又唔見佢好多客。
好喇隻燒鵝終於都到喇，摸一摸隻碟係暖嘅。點解會係咁嘅呢？呢個問題一陣再講。
燒鵝肉，原本應該係嫩口嘅，不過因為隻燒鵝出爐已經一段時間，所以肉質有啲變化，但係都唔會係柴嘅。不過呢隻燒鵝唔係最好嘅狀態同時間上枱畀客人食。仲有我話留髀，師傅就連隻髀都斬埋。侍應姐姐仲主動同我講可能師傅無留意。
我唔會評論呢間店究竟好唔好食。不過如果去睇**見到網紅介紹嘅。你自己諗諗啦。
順年燒鵝，喺順德歡樂海岸開咗一間好靚好大嘅分店。如果有朋友試過。好食話我知。不過我相信呢間新店嘅環境，會比總店好。
最後講返點解隻燒鵝碟會係暖嘅，我食完行去掛燒臘嘅地方一望。見到個銀色嘅微波爐。咁終於明白晒喇。
#我係香港人
#沒有收過任何利益去詆譭這店
#我只是實話實說。
