登录 注册
  • hoeatduck 2022-11-10 21:09
    雞翼控必試之山?雞翼山
    身邊朋友十個有九個都去過雞翼山，偏偏身為雞翼控嘅我竟然未去過，唔得，難得今日身在旺角，一於要去試下。位於T.O.P 的雞翼山，店內只有少量座位，而且今日人又多，所以我今次定決定外賣就算。
    雞翼山總共有9️⃣款唔同味嘅雞翼/雞槌可以選擇，另外仲有啲1️⃣人餐，2️⃣人餐和小食拼盤可以揀，我仲以為只有雞翼食添?。今次我叫咗1️⃣2️⃣件雞翼和一個1️⃣人餐試下。
    返到屋企，急不及待要開箱啦。嘩！一開蓋，啲香味湧哂出嚟，仲要熱辣辣添，正喎。
    12件雞翼(三款口味)+1飲品  $128
    我就揀咗避風塘、吉士鹹蛋和蝦醬3️⃣款。
    港式避風塘蒜香雞翼
    就好似橋底避風塘炒蟹咁，不過就換咗成雞翼，大量嘅炸蒜+辣椒令雞翼變得非常香口，非常邪惡，但我就覺得辣味有少少不足。
    韓風吉士鹹蛋醬雞翼
    值得一讚嗰吉士鹹蛋醬係用個膠盒分開裝嘅。所以如果唔蘸醬，就變咗好似食緊原味炸雞翼，變相試多款雞翼。不過當雞翼蘸上了醬汁，口感完全提升到另一個層次，甜甜嘅吉士醬加上鹹鹹嘅鹹蛋碎，塗在香脆juicy 嘅雞翼上面出奇地夾，豐富嘅層次感令這款雞翼出奇地好食。
    濃口櫻花蝦蝦醬雞翼
    一個蝦蝦組合，蝦醬味非常濃烈，但就唔會有過鹹嘅情況，味道剛剛好。另外櫻花蝦唔單止有點綴的作用，亦加強咗雞翼嘅口感和層次，食完真係笑哈哈。
    不要儀態一人餐 ?️  $63
    文青風玫瑰雞翼
    ?️餐有三件雞翼可以選擇(只有原味和玫瑰味，我最後揀咗玫瑰)。玫瑰雞翼，你可以想像成蜜糖雞翼但外層變成咗脆嘅蜜糖醬，因此外表變得非常香脆。再加上香草和玫瑰碎嘅點綴，令到成隻雞翼非常好吃，誠意推介。
    南蠻蝦多士
    多士非常香脆可口，蝦膠放得一啲都唔吝嗇，亦炸至金黃色?。可惜嘅係只得2️⃣件....
    溫泉蛋磨菇飯
    蘑菇嘅份量非常之多，再將溫泉蛋?嘅蛋汁混合醬汁之中，令到白飯非常香滑，非常入味，如果醬汁可以多返少少就更加完美。
    總括而言，雞翼非常好食，其他食物質素亦高。雞翼控必然朝拜之地，下次我一定要試埋其他口味。
    食?指數：8.7/?
    香港

下载十六番手机客户端，分享此刻

app download

以下榜单推荐

相关内容

加载更多
返回顶部
下载App APP二维码
提交反馈
发送给十六番

用微信扫描此二维码即可联系16番

在微信中搜索“baume002”也可找到我们

微信反馈