難得同妹妹二人濠江滿載遊,當然要捐窿捐隙搵美食,鎖定了培正中學附近的緬甸餐館。
我地有澳門通,由酒店坐巴士,只係三蚊雞就來到高士德。
十二點前就來到緬甸餐廳,剛好G floor有二人座位,無需貢上閣樓。
參考餐牌推介,選擇二大人氣粉麵,再加奶茶油炸鬼套餐。
椰汁雞麵
黃色杰撻撻一pat pat的椰汁雞,唔見紅油,應該唔辣掛! 雞肉是先炸好,待客人點餐後才放在碗裡淋上螢光色椰汁。咖哩湯底唔太辣,仲食到到麵身帶鹹水味。
魚湯粉 配馬豆餅
濃稠的湯身有魚肉碎, 仲有唔同的香料,帶著宋嫂魚的影子。
但比椰汁雞麵更香更辣。
香料也中和左馬豆餅的鹼水味。
緬甸奶茶配原條炸麵 餐牌大大張圖片介紹食用方法,好鬼吸引。
當中又標榜是緬甸茶葉,所以想試試。
奶茶,糖,自己落。
油炸鬼唔太硬,唔乾身;
浸係奶茶度,容易吸附緬甸奶茶 。
而油炸鬼原本的油脂剛好跟奶茶融合,
可能咁樣就令到奶茶唔削脷,無鞋口。
來到一點左右,客人驟增,店門已有多人在等候。
好在我地鬼咁早來到。